نتكلم عن كيفية حماية ملف .env في Laravel وأهمية الخطوة دي.

‏ملف .env بيحتوي على بيانات حساسة جداً، زي مفاتيح الـ API ومعلومات الاتصال بقاعدة البيانات، وعشان كده مش المفروض يتم رفعه مع الكود العام. حمايته بيسهل أمان البيانات وخصوصاً في فرق التطوير الكبيرة.

‏طيب، إزاي نعمل الحماية دي؟ ببساطة، عن طريق تشفير الملف. بنستخدم الأمر ده:

‏php artisan env:encrypt

‏الأمر ده هيولد مفتاح ويعمل ملف اسمه env.encrypted مشفر تماماً. لما تيجي ترفع المشروع على GitHub مثلاً، مش هترفع ملف .env، لكن تقدر ترفع env.encrypted بأمان.

‏لو حد من الفريق محتاج يفتح الملف ويشوف البيانات، هيستخدم الأمر ده:

‏php artisan env:decrypt –key=your_key

‏وبكده يتم فك التشفير وإنشاء ملف .env يحتوي على البيانات الأساسية.

‏حماية ملف .env خطوة مهمة لضمان أمان المشروع وتسهيل إدارة الأمان في بيئة العمل الجماعية.